Transcription
1
Reçue à Grenoble, le 20 mars 1573. Répondue.
2
Monsieur, j’ay receu la lettre qu’il vous a pleu m’escripre pour la demye année
3
du paiement des mortepayes de Daulphiné à eulx deue de l’année
4
LXXI que pretendez avoir este oublyée, mesmes par moy pour estre
5
lors en l’exercice de mon office. Surquoy monsieur, je vous puis dire
6
et asseurer et en prens à tesmoing monsieur de Chastelar que tant s’en fault
7
que j’aye oublyé lesdits pauvres mortepayes qui n’en ont pas comme je croy
8
aussi besoing, que je prins toutes les peynes que je peuz, d’autant
9
qu’il ne s’en trouvoit rien sur les registres de l’espargne. Pour entendre
10
que montoit leur paiement et n’en sceuz jamais riens scavoir que sur
11
la fin de ladite année [1571], que tous les deniers de l’année
12
estoient jà assignez et euz encores assez de peyne à leur faire paier
13
ceste demye année. Et sans telles difficultez, ilz n’eussent pas eu
14
moyns que leurs compaignons pour n’y avoir en mon endroict riens
15
de plus particullier pour les autres que pour eulx de vous dire le moyen
16
qu’il y peult avoir de les faire paier de ladite demye année je n’en voys que
17
ung que j’estyme fort faisable. C’est de faire regarder du costé de dellà
18
à trouver quelques deniers extraordinaires dont le roy ne face
19
aucun estat et d’en escipre s’il vous plaist par deça en donnant l’advertisse,
20
enquoy alors je m’emploieray et satisferay de tout mon povoir ; et comme
21
en votre particullier je m’estimeray tousjours très heureux de vous
22
povoir faire service et le feray d’aussi bonne volunté que je me
23
recommande très humblement à votre bonne grace. Priant Dieu,
24
monsieur, vous donner en très heureuse et parfaicte santé, longue vye.
25
À Paris, ce IIIIe mars.
26
Votre très humble et affectionné
27
serviteur De Ficte